དཔའ་འཆམ་གྱི་འབྱུང་ཁུངས།
སྔོན་དུས་རབས་ ༡༥ པའི་ནང་ གཏེར་ཆེན་ཆོས་ཀྱི་རྒྱལ་པོ་རིག་འཛིན་པདྨ་གླིང་པ་ ཨྱོན་རིན་པོ་ཆེའི་ཞབས་དྲུང་དུ་བྱོན་པའི་སྐབས་ལུ་གཟིགས་དོ་བཟུམ་ རྔ་ཡབ་ཟངས་མདོག་དཔལ་རིའི་རྩེ་མོ་ལུ་ པདྨ་འོད་ཀྱི་ཕོ་བྲང་ ཡེ་ཤེས་ཀྱི་རང་མདངས་འགག་མེད་དུ་ཤར་བའི་བཀོད་པ་ ག་ཅི་དེ་ངོ་མཚར་བ་ ནམ་མཁའི་དབྱིངས་ལྟར་ཟབ་ཅིང་རྒྱ་ཆེ་བའི་དབུས་ལུ་ རྒྱལ་བ་ཀུན་གྱི་སྤྱི་གཟུགས་རིག་འཛིན་པདྨ་ཐོད་འཕྲེང་རྩལ་ ས་གསུམ་འགྲོ་བ་འདྲེན་པའི་མགོན་དང་ དཔུང་གཉེན་ཆེན་པོར་བཞུགས་པའི་ ཕྱོགས་མཚམས་ག་ར་འཇའ་འོད་ཐིག་ལེའི་དཀྱིལ་འཁོར་ བར་མཚམས་མེད་པར་གང་བའི་ཀློང་ན་ རིག་འཛིན་གྱི་ཡིད་དམ་དཔའ་བོའི་ལྷ་ཚོགས་དང་ མཁའ་འགྲོ་དཔའ་མོའི་ལྷ་ཚོགས་ཚུ་ ཞི་དྲག་གི་སྤྲུལ་པ་སྣ་ཚོགས་ལུ་སྟོན་པའི་ཟློས་གར་ཅིར་ཡང་བསྒྱུར་ གསུང་ཐེག་ཆེན་གྱི་ཆོས་སྒྲ་སྒྲོག་པའི་གླུ་དབྱངས་ལེན་ཏེ་ འཇིག་རྟེན་དང་འཇིག་རྟེན་ལས་འདས་པའི་གདུལ་བྱ་ཚུ་ ཐར་པའི་ཞིང་ཁམས་ལུ་འདྲེན་པའི་དོན་ལུ་ ཟབ་ཅིང་རྒྱ་ཆེ་བའི་ཆོས་ཀྱི་དགའ་སྟོན་གྱི་སྤྲིན་ཕུང་གཡོ་བཞིན་པའི་གར་འཆམ་དེ་ལུ་ དཔའ་འཆམ་ཟེར་ཞུཝ་ཨིན། དེ་མི་ཡུལ་གྱི་གདུལ་བྱ་དད་པ་ཅན་ཚུ་ ཨྱོན་ཆོས་ཀྱི་རྒྱལ་པོའི་ཞབས་དྲུང་ལུ་འདྲེན་པའི་ཐབས་ལུ་མཛད་ཡོདཔ་ཨིན་ནོ།
Pacham dance was introduced by Pema Lingpa after witnessing such a dance in the Copper-coloured realm of Padmasambhava which he visited. Pema Lingpa’s own biography clearly records his visionary journey to Zangdo Pelri or the Copper-coloured realm of Padmasambhava and also his experience of spiritual figures of pawo and pamo performing music constantly in the abode of Padmasambhava
